Home
کولکاتا: طویل عرصہ سے جاری ادائیگی بحران کو دور کرنے کی کوشش کرتے ہوئے ریزرو بنک آف انڈیا نے سینٹرل بنک آف ایران کو اجازت دے دی کہ وہ دو ہندوستانی بنکوں یوکو اور آئی ڈی بی آئی میں روپوں سے کھاتہ کھول سکتا ہے۔یہاں کے یوکو بنک کے ایک افسر کے مطابق دو ہندوستانی بنکوں میں روپے سے کھاتہ کھولنے کے لیے ریزرو بنک کی منظوری حال ہی میں ملی ہے جس میں ایک یوکو بنک ہے۔دوسرا بینک آئی ڈی بی آئی ہے۔دونوں کھاتے ان بنکوں کی ممبئی برانچوں میں کھولے جائیں گے۔اس افسر نے مزید کہا کہ چونکہ دسمبر میں ایشین کلئیرنگ یونین میں تالہ بندی ہو گئی ہے اس لیے ایران سے تیل کی درآمدات اور ایران کو غیر تیل مصنوعات کی برآمدات بری طرح متاثر ہوئی ہے۔ یوکو افسار نے کہا کہ ادائیگی کے طریقہ کار پر ریزرو بنک آف انڈیا اور ایرانی سینٹرل بنک کے درمیان کوئی مفاہمت ہوئی ہے۔انہوں نے کہا کہ ایرانی سینٹرل بنک ہندوستان کو تیل کی درآمدات اور غیر تیل مصنوعات کی ایران کو بر آمدات کے حوالے سے ادائیگی کے لیے دو ہندوستانی بنکوں میں پیسہ ڈالے گا ۔اس افسر نے کہا کہ تیل کی درآمدات کی ادائیگی ابتدا میں روپوں میں ہوگی اور اس کے بعد وہ ایک دوسری کرنسی میں تبدیل کر دی جائے گی ۔ تاہم وہ کون سی کرنسی ہو گی اس کا فیصلہ ریزرو بنک نے ابھی نہیں کیا ہے۔دریں اثنا ایک چائے سنعت ایران کو بھیجی جانے والی چائے کی کھیپ کی ابھی تک ادائیگی نہ ہونے کی وجہ سے کافی پریشان ہے۔انڈین ٹی ایسوسی ایشن کے سکریٹری ایم داس گپتا نے کہا کہ جب سے ایشین کلئیرنگ یونین کے ذریعہ ادائیگی بند ہوئی ہے ایرانی درآمد کاروں نے امریکی پابندیوں کی وجہ سے کسی بھی ہندوستانی کمرشیل بنک میں کھاتے نہیں کھولے ہیں۔
world news in urdu and English | latest urdu news | islamic news | urdu news
