مختصر سی یہ خوشی ہے دوستو
حادثوں میں زندگی ہے دوستو
مشوروں سے کچھ نہیں ہوگا یہاں
فیصلے کی اب گھڑی ہے دوستو
دل کو پتھر سا بنا لینے کے بعد
آنکھ میں پھر بھی نمی ہے دوستو
جس کسی کا حوصلہ ہو سر بلند
اس کو منزل مل گئی ہے دوستو
درد کے ساگر میں بھی رہ کر جیا
کیسا اصغر آدمی ہے دوستو
اصغر شمیم
شعبہ اردو
نواب بہادرس انسٹی ٹیوشن، مرشدآباد، مغربی بنگال
موبائل ۔ 09836224948
تیر جب بھی کمان میں رکھنا
میرا چہرہ دھیان میں رکھنا
پہلے خود پہ یقین پیدا کر
حوصلہ پھر اڑان میں رکھنا
مشکلیں ساری حل کریگا وہ
بس خدا کو دھیان میں رکھنا
ہر کوئی آپ ہی کو چاہے گا
نرم لہجہ زبان میں رکھنا
پہلے دھرتی سے اپنی پیار کرو
پھر قدم آسمان میں رکھنا
بھائی اصغر ذرا سنبھل کر چل
پتھروں کو دھیان میں رکھنا
اصغر شمیم
یہ برقیہ پتہ اسپیم بوٹس سے محفوظ کیا جارہا ہے، اسے دیکھنے کیلیے جاوا اسکرپٹ کا فعّال ہونا ضروری ہے
Mob.: 09836224948
